Mataimakin Shugaban Ƙasa Farfesa Yemi Osinbajo zai gana da mambobin Jam’iyyar APC a Majalisar Wakilai ta Ƙasa a ranar Laraba.
Osinbajo ya gayyaci Ƴan Majalisun Tarayya na APC a ɗakin taro ba Banquet dake Fadar Shugaban Ƙasa zuwa buɗe baki a ranar Laraba.
Mataimakin Majalisar Wakilai Ahmed Wase ya karanta takardar Mataimakin Shugaban Ƙasa a buɗe zaman Majalisar a ranar Talata.
Takardar gayyatar tana zuwa ne ƙasa da awanni 48, bayan yayi taro da Gwamnonin APC zuwa buɗe baki a daren ranar Lahadi, domin neman goyon bayan su akan ƙudirin sa na tsayawa takarar Shugaban Ƙasa.
Mataimakin Shugaban Ƙasar dai a sanyin safiyar ranar Litinin ya ayyana ƙudirin sa na tsayawa takarar Shugaban a Babban Zaɓe na Shekarar 2023.
