Jagoran jam’iyyar APC na kasa, Bola Tinubu ya bayyana cewa Najeriya na bukatar shugaba mai jajircewa kamar sa.
Tinubu ya bayyana kansa a matsayin wanda ya fi cancantar zama shugaban Najeriya a 2023.
Tsohon Gwamnan ya yi wannan jawabi ne a wajen wani taro da aka gudanar a Legas wanda ya samu halartar tsaffin shugabannin jam’iyyar APC da masu rike da madafun iko da mataimakan su.
“Muna da haske, albarkatu, da mayar da hankali. Ba kawai mu san yadda za mu gudanar da tseren da kuma kula da kayan ci gaba ba.
“Kamar yadda nake bukatar Najeriya, Najeriya na bukata na”, in ji shi a wajen taron da kakakin majalisar Legas, Mudashiru Obasa ya shirya.
Tinubu ya tuno da yadda ya canza arzikin Legas a lokacin da yake rike da madafun iko daga shekarar 1999 zuwa 2007.
“A cikin fuskantar zalunci, na tsira, na yi gwagwarmayar tabbatar da dimokuradiyya. Na jure hanyar daji, na rayu ba tare da iyali ba, na kashe kayan aiki,” in ji shi.
Sanatan da ya taba zama gwamna ya ce shi ne gwamna na farko da ya bai wa majalisar cin gashin kai.
“Na tsira daga rashin raba kudaden kananan hukumomi. Ba mu sha wahala ba, ba mu ja da baya ba, ”in ji shi.
Tinubu ya ce ya gaji Naira miliyan 600 a matsayin kudin shiga na cikin gida (IGR) ba tare da kason kudi ba daga Kwamitin rabon tattalin arzikin kudi na Tarayya (FAAC).
“Mun tsira kuma a yau Legas ita ce ta daya a fannin tattalin arziki, shi ya sa nake rokon ku da ku yi mani alheri domin in yi wa Najeriya alheri,” in ji dan takarar.
