Kashe Al’umma Ne Miƙa Najeriya Ga Marar Lafiya – Hadimin Atiku

Gabanin babban zaben 2023, mataimaki na musamman kan hulda da jama’a ga dan takarar shugaban kasa a jam’iyyar PDP, Phrank Shaibu, ya yi gargadin cewa yana da hadari a mika kasa mara lafiya ga shugaban da ba shi da lafiya.

Ya ce a halin yanzu Najeriya na cikin wani mawuyacin hali inda kowane bangare na tattalin arzikin kasar ke cikin rugujewa, don haka bai kamata a mika kasar ga shugaban kasa mara lafiya ba.

Jaridar DAILY POST ta rawaito cewa dan takarar shugaban kasa na jam’iyyar APC, Asiwaju Bola Tinubu ya bayyana haka ne a yayin da yake jawabi a taron koli na tattalin arziki da saka hannun jari na Kaduna karo na 7 (KADINvest 7.0) a ranar Asabar, inda ya ce gwamnan jihar, Nasir El-Rufai “ya juya baya

Shaibu a wata sanarwa da ya fitar a ranar Lahadi, ya dage cewa kalaman na Kaduna ya yi yawa, yana mai cewa “Tinubu ya gaji ya koma gida ya huta.”

Don haka, ya ja hankalin ‘yan Nijeriya kan abin da ya bayyana da rashin dacewa da dan takarar shugaban kasa Tinubu a matsayin koli na kasa saboda wasu kura-kurai da ya tafka tun bayan da ya bayyana aniyarsa ta shugaban kasa a bainar jama’a.

Shuaibu ya ce: “Idan ka kalli dan takarar shugaban kasa na jam’iyyar APC, za ka ga wanda ya gaji da rauni. Haka kuma kun ji yawan korafe-korafe da suka fito daga wurinsa tun kafin fara yakin neman zabe.

“Maganar Kaduna guda daya ce, ta yi yawa, don haka ba za a yafe ba. Ba dole ba ne ka zama shugaban kasa ko ta yaya; idan ka gaji sai ka koma gida.

“A halin yanzu Najeriya na cikin wani mawuyacin hali inda kowane bangare na tattalin arzikin kasar ke cikin rugujewa; don haka al’ummar kasa ba za ta iya ba wa shugaban kasa mara lafiya ba.”

Shu’aibu ya bayyana cewa Najeriya ta cancanci shugaba nagari, yana mai jaddada cewa ofishin shugaban kasa ba na masu fama da rashin lafiya ba ne.

Ya ce Tinubu ya yi iya kokarinsa amma yanzu ya gaza kuma ya gaji ya kamata a bar shi ya koma gida ya huta.

Leave a Reply

Your email address will not be published. Required fields are marked *