Gwamnatin jihar Anambra ta dakatar da ayyuka a wani sashe na Otel ɗin Wintess Garden Annex da ke Awka, babban birnin jihar, inda ake zargin an gudanar da shagalin jima’i a karshen makon da ya gabata.
Bidiyon da ya yi ta yawo a yanar gizo na wani biki da aka gudanar a Otel na Wintess Garden Annex, Ifite Awka, an ga mahalarta Taron suna jima’i a tsakaninsu.
Mista Donatus Onyenji, kwamishinan al’adu, nishadi da yawon bude ido wanda ya sanya hannu kan takardar, ya ce an dauki matakin ne domin baiwa Gwamnati da Hukumomin Tsaro damar gudanar da bincike kan lamarin.
Onyenji ya ce rufewar ya yi daidai da dokar tsarin yawon bude ido na jihar Anambra.
Wani ɓangare na wasiƙar zuwa ga otal ɗin ya karanta: “An jawo hankalinmu ga bidiyo na kafofin watsa labaru na jima’i kai tsaye da abubuwan batsa (bikin jima’i) da aka gudanar a ranar 3 ga Satumba a buɗaɗɗen wuri a cikin otal ɗin ku.
