Rikici Na Neman Ɓallewa: China Ta Harba Makamai Masu Linzami

Rikici Na Neman Ɓallewa: China Ta Harba Makamai Masu Linzami

Kamfanin dillancin labaran reuters ya ruwaito majiyar ma’aikatar tsaron kasar ta Taiwan cewa, kasar Sin ta harba wasu makamai masu linzami na Dongfeng da dama a cikin ruwa a kusa da gabar tekun Taiwan na arewa maso gabas da kudu maso yammacin kasar, tun daga karfe 13:56 agogon kasar Sin, dai dai da karfe (06:56 agogon GMT).

Makamai masu linzami na Dongfeng na sojojin ‘yantar da jama’ar kasar Sin ne ke sarrafa su.

Kamfanin dillancin labaran reuters ya ruwaito cewa, ma’aikatar tsaron Taiwan ta ce ta kunna wani tsarin tsaron da ke kareta, a matsayin martani ga harba makamin, inda ta kara da cewa ta yi Allah wadai da matakin rashin hankali na kasar Sin, wanda ya zai lalata zaman lafiya a yankin.

Leave a Reply

Your email address will not be published. Required fields are marked *