Rundunar Yansandan jahar Katsina ta ta bayyana cewa ta yi nasarar kama wani matashi da ya gudo daga gidan yarin kuje a Abuja bayan da yan ta’adda suka fasa gidan yarin a kwanan nan.
Kakakin rundunar SP Gambo Isah ne ya sanar da haka a ranar Juma’ar nan ta hanyar tura sakon sanarwar ta manhajar WhatsApp.
SP Isah ya ce wanda aka kama mai suna Abdulkadir Musa mai shekaru 30 dan asalin karamar hukumar Bakori a jahar Katsina.
