Zaben 2023: INEC Ta Bayyana Ranar Da Za Ta Bayar Da Sabbin Katinan Zabe

Zaben 2023: INEC Ta Bayyana Ranar Da Za Ta Bayar Da Sabbin Katinan Zabe

Hukumar Zabe Mai Zaman Kanta ta Kasa, INEC, ta bayyana cewa za a fara bada katinan zabe na dindindin a ranar Litinin 12 ga Disamba, 2022.

Hukumar zaben ta bayyana hakan ne a ranar Juma’a ta wata sanarwa da kwamishinan yada labarai na kasa kuma shugaban kwamitin wayar da kan masu kada kuri’a, Festus Okoye ya fitar.

A cewar sanarwar, hukumar ta kuma kuduri aniyar miƙa tarin PVC zuwa kananan hukumomi wanda sun kai 8,809 da ke fadin kasar nan tsakanin ranar Juma’a 6 zuwa Lahadi 15 ga watan Janairun 2023.

Sanarwar ta kara da cewa, “Hukumar ta sanya ranar Litinin 12 ga Disamba, 2022 zuwa Lahadi 22 ga Janairu, 2023 a matsayin ranar bada PVC a dukkanin kananan hukumomi 774 na hukumar a fadin tarayya.”

Okoye ya bayyana a cikin sanarwar cewa matakin ya biyo bayan koma baya ne da aka yi a jihar Legas inda aka bayyana tsarin da kuma jadawalin tattara kayan.

Hakan dai na zuwa ne a daidai lokacin da ake zargin ‘yan kone-kone da kone-kone a cibiyar hukumar a yankin Kudu maso Gabas da sauran sassan kasar.

Hukumar ta yi hasarar dukiya da dama sakamakon hare-haren da wasu ‘yan bindiga da ba a san ko su wanene ba suka kai ga barna a yankin

Leave a Reply

Your email address will not be published. Required fields are marked *