Gwamna Wike Ya Ce Dole Ne Ayi Sulhu Kan Adalci, Gaskiya Da Dai-daito A PDP

Gwamna Wike Ya Ce Dole Ne Ayi Sulhu Kan Adalci, Gaskiya Da Dai-daito A PDP

Gwamnan Jihar Ribas, Nyesom Ezenwo Wike ya sake jaddada cewa Gwamnonin Jam’iyyar PDP G-5 dole ayi sulhu dasu kan gaskiya da adalci.

Gwamnan jihar Ribas ya bayyana hakan ne a wajen bikin kaddamar Gadar sama ta Rumuepirikom, karo na 8 da zuwa yanzu gwamnatin sa ta gina kuma ta kammala. Comrade Adams Oshiomhole, tsohon gwamnan jihar Edo ne ya kaddamar da aikin a ranar Laraba.

Gwamna Wike ya yi nuni da yadda tun kafin rikicin ya dabaibaye jam’iyyar PDP, wasu ‘ya’yan jam’iyyar suka rika rera masa waka da takwarorinsu na gwamnonin G-5. Sai dai ya lura da cewa irin wadannan mutanen sun juyo suna kiransu da sunan su domin suna neman a yi adalci da gaskiya.

“Na tabbata, wadanda suke cikin jam’iyyata, a da, ba za su iya cewa komai ba tare da ambaton Wike ba. Amma yanzu, saboda na ce a yi abin da ya dace, a yi yarjejeniya. Domin na fadi haka, yanzu na zama makiyi. Waɗannan mutane ne waɗanda suke yabo na safe, dare, kowace rana.

Gwamna Wike ya ce siyasa ta shafi maslaha ne kuma dole ne mutanen Rivers su tabbatar da abin da za su amfana da duk wani goyon bayan da za su bayar gabanin babban zaben 2023.

“Siyasa yanzu ta shafi ruwa ne. Dole ne ku fada mani menene maslahar jihar Ribas. Dole ne ku gaya mani menene maslahar al’ummata. Ba zan shiga duk wanda baya son jihata ta amfana. Ba zan goyi bayan duk wanda baya son jihata ba.”

Gwamna Wike ya ja hankali game da wurin da ake da gaskiya a cikin shugabanci a kowane fanni da kuma dalilin da ya sa dole ne shugabannin su kasance masu alaƙa da abin da suke faɗa da aikatawa.
“Lokacin da ka rasa mutunci, babu abin da za ka iya sake bayarwa. Kuma wannan ita ce matsalar da muke fama da ita a kasar nan inda ’yan siyasa za su tashi su yi magana.

Leave a Reply

Your email address will not be published. Required fields are marked *