Gwamnatin Zamfara Ta Biyan Sama Da Miliyan 25 Ƙudaden Bashin Da Ake Bin Kafafen Yaɗa Labarun Ta

Gwamnatin Zamfara Ta Biyan Sama Da Miliyan 25 Ƙudaden Bashin Da Ake Bin Kafafen Yaɗa Labarun Ta

Gwamnatin jihar Zamfara ta ce ta kashe naira miliyan 25 na biyan kudaden lasisi ga hukumar kula da kafafen yada labarai ta kasa, NBC, wadanda suka tara tun shekarar 2017.

A cewar wata sanarwar manema labarai da kwamishinan yada labarai na jihar, Hon. Ibrahim Magaji Dosara,ya fitar yace Gwamna Bello Mohammed ya ba da izinin biyan hukumar basussukan cikin gaggawa a makon da ya gabata don dakile rufe kafafen yada labarai na jihar.

“Kudaden da aka riga aka biya a asusun hukumar a ranar Juma’ar makon da ya gabata, wani bangare ne na alkawurran da gwamnati ta yi na ci gaba da kyautata huldar aiki da hukumar da sauran kafafen yada labarai domin tabbatar da an sanar da mutane cikkaken shirye-shirye da manufofin gwamnati na ci gaban al’ummar Jiha,” sanarwar ta kara da cewa.

Kwamishinan ya ce gwamnatin jihar ta biya Naira miliyan 5 daga cikin bashin da aka fara bi na Naira miliyan 37 tun bara.

Dosara ya taya al’ummar jihar murnar samun gwamna mai rikon amana irinsa, sannan ya bukaci al’ummar jihar da su ci gaba da yi wa gwamnan addu’ar Allah ya kara albarka ga jihar.

Leave a Reply

Your email address will not be published. Required fields are marked *