Sanata Orji Kalu (APC-Abia North) ya yabawa kungiyar malaman jami’o’i (ASUU) bisa dakatar da yajin aikin da ta yi na tsawon watanni takwas.
Shugaban masu horaswa na Majalisar Dattawa ya shawarci Gwamnatin Tarayya da ASUU da su cimma matsaya guda domin kaucewa yajin aiki nan gaba.
Kalu ya yabawa bangaren zartaswa da na majalisar dokoki bisa ci gaba da cudanya da kungiyar jami’o’i.
Dan majalisar ya ce kasancewarsa mai fafutukar neman ilimi mai inganci da araha, ya kasance yana hulda da kungiyar a kai a kai.
“Dole ne dukkan bangarorin biyu su samar da wata manufa ta bai daya domin kaucewa duk wani yajin aiki nan gaba”, in ji sanarwar.
Kalu ya jaddada cewa ilimi shine maganin ci gaba kuma dole ne ya zama babban fifiko a cikin manufofin.
Da yake lura da cewa gwamnati na da kalubalen kudi, ya bukaci hukumomi da su yi iya kokarinsu wajen inganta ilimi.
