Gwamna Bello Mattawale na jihar Zamfara a jiya ya haramta hawan babura daga karfe 8 na dare zuwa 6 na safe a garin Gusau.
Ya umurci jami’an tsaro da su harbe duk wanda aka samu ya saba wa sabuwar dokar.
A cewar gwamnan, sun dauki matakin ne biyo bayan rahotannin yadda ‘yan bindiga da sauran masu laifi ke amfani da babura wajen aikata muggan laifuka a cikin babban birnin jihar da kuma makotan birnin.
Ya ce, “Idan aka yi la’akari da farmakin da ‘yan bindiga suka kai a wasu yankuna da ke wajen Gusau, babban birnin jihar, ya sanya aka hana hawan babura daga karfe 8 na dare zuwa 6 na safe a dukkan yankunan da wajen garin Gusau.
