Wani Sabon Rikici Ya Kunno Kai A APC, Ƴan Takara 125 Sun Buƙaci Maido Masu Kuɗin Fom Ɗin Su

Wani Sabon Rikici Ya Kunno Kai A APC, Ƴan Takara 125 Sun Buƙaci Maido Masu Kuɗin Fom Ɗin Su

Wasu ‘yan takara da suka fafata a Babban taron zaɓen Shuwagabannin jam’iyyar APC mai mulki a ranar 26 ga watan Maris, sun sha alwashin gurfanar da shugabannin jam’iyyar a gaban ƙuliya bisa rashin mayar da kudaden da suka biya na fom din nuna sha’awa da tsayawa takara.

Wannan ci gaban dai na zuwa ne watanni hudu bayan an nemi su janye akan mukamin shugaban jam’iyyar na kasa mai ci Sanata Abdullahi Adamu da sauran mambobin kwamitin ayyuka na kasa.

Wasu ’yan siyasa da abin ya shafa da suka yi magana a wata tattaunawa daban-daban, sun bayyana damuwarsu da cewa sun yi bincike tare da ganowa ba komai bane zai hana su zama Shugaban Jam’iyyar na Ƙasa.

Ya danganta da nau’in fom na neman tsayawa takara, mutane 126 da suka tsaya takara a mukamai daban-daban sun yi tarin kuɗi tsakanin Naira miliyan 20 zuwa miliyan 2.5.

A karshen zaɓen Shuwagabannin Jam’iyyar, APC ta tara sama da Naira miliyan 700 tare da ƙarin Naira biliyan 3 da aka samu tsakanin masu ruwa da tsaki da ‘yan jam’iyyar gabanin zaben fidda gwani na shugaban kasa.

Leave a Reply

Your email address will not be published. Required fields are marked *