Jam’iyyar All Progressives Congress ta ce ta kusa shirya yakin neman zaben Tinubu/Shettima na shugaban kasa a zaben 2023 mai zuwa.
Gwamnan jihar Filato kuma Darakta-Janar na yakin neman zaben shugaban kasa na jam’iyyar APC 2023, Simon Lalong ne ya bayyana haka bayan ya duba kayayyaki a hedikwatar yakin neman zaben da ke Abuja.
Mai magana da yawun gwamnan, Dr Makut Macham, ya bayyana hakan a wata sanarwa da ya fitar ranar Asabar a Jos, cewa Sakataren kungiyar yakin neman zaben shugaban kasa na jam’iyyar APC, Mista James Faleke ne ya tarbi Lalong a hedikwatar.
Kamfanin Dillancin Labaran Najeriya ya bayar da rahoton cewa, Macham, a cikin sanarwar, ya ce shugaban ya kuma gana da wasu ma’aikatan kungiyar yakin neman zaben, a wani bangare na kokarin tabbatar da wata babbar kungiya a yakin neman zabe.
“DG din ya kuma yi ganawar sirri da dan takarar shugaban kasa na jam’iyyar APC, Asiwaju Bola Tinubu, a hedikwatar.
