Shugaban kungiyar malaman jami’o’i, ASUU, Farfesa Emmanuel Osodeke ya bayyana jami’o’i mallakin gwamnatocin jihohi a matsayin marasa amfani.
Farfesa Osodeke, wanda ya bayyana a gidan Talabijin na Arise a safiyar Juma’a, yana mayar da martani ne kan kudurin da wasu jami’o’in jihohi suka dauka na janye yajin aikin da kuma komawa karatu.
Ya ce ya kamata a tattauna a kan jami’o’in tarayya, kamar Jami’ar Nijeriya, Nsukka, UNN; Jami’ar Ibadan, Jami’ar Maiduguri, Jami’ar Ahmadu Bello Zariya, da sauran su, wadanda a cewarsa su ne ainihin jami’o’in kasar nan.
Farfesan ya dage cewa duk sauran jami’o’in ba su taba shiga kungiyar ta ASUU ba kuma ba a lissafta su cikin wadanda suke yajin aiki ba.
