Tinubu ya zaɓi Gwamna Lawal na Zamfara cikin tawogar da za su raka shi ziyara zuwa Burtaniya

Shugaban ƙasa Bola Tinubu ya gaiyaci Gwamnan jihar Zamfara, Dauda Lawal domin ya taka shi zuwa Burtaniya, inda zai yi wata gagarumar ziyara zuwa ƙasar.

A wata sanarwa da kakakin gwamnan, Suleiman Bala Idris ya aike wa Daily Nigerian Hausa, gwamna Lawal zai bi ayarin shugaban kasa da me dakin da Remi Tinubu da sauran yan tawoga.

Ya ce Sarki Charles ne zai yi wa shugaban kasar tarbar girma a ziyarar ta kwanaki biyu, 18 zuwa 19 ga watan Maris.

Idris ya ce a gobe Talata ake sa ran shugaban ƙasa Tinubu da tawogar ta sa, ciki har da Gwamna Lawal,.za su tashi daga Abuja zuwa Burtaniya.

A cewar Idris, tafiyar za ta taimakawa Gwamna Lawal ya samu damar kulla alaka da masu.zuba jari da ka iya zuwa jihar Zamfara su zuba hannun jari don cigaban jihar.

Leave a Reply

Your email address will not be published. Required fields are marked *